Бишкекте монорельстин куруусу 180 млн доллар болот. Андыктан ал автобустардын ордуна жакшы альтернатива болот. Бул маселени ЖК тармактык комитетинде депутат Балбак Түлөбаев көтөрүп чыкты.
Ал финансы министрине кайрылып, Бишкектин бюджетине жыл сайын 4-5 млрд сом которулуп жатканын айтты.
“Мен монорельс тууралуу айтсам колумду көрсөттүң деп шылдыңдашкан. Аны салып койсок 17 километр суунун үстүнөн өтөт эле. Көп болсо 180 млн доллар болот экен. Бирок шаардын маселелери чечилмек”, - деди депутат.
Анын айтымында, автобустардын баасы ошого эле барабар болот. Бирок алар деле аялдамага токтосо баарын тосуп калат. Ошондуктан монорельс жердеги транспорттун ордуна жакшы альтернатива, экологиялык жактан таза болот.
Хочешь самым первым узнавать о важных новостях об экономике и бизнесе в Кыргызстане, подпишись на наш Телеграм канал
@ishker_media
