Бүгүн Бишкектин үч конушунда ичүүчү суу өчүрүлөт
2023-жылдын 14-ноябрында Бишкектин үч конушунда ичүүчү суу өчүрүлөт. Бул тууралуу шаардык мэрия билдирди.
Өчүрүү райондорунда турак үйлөрдө, мектептерде, балдардын мектепке чейинки уюмдарында, саламаттык сактоо объекттеринде жана башка социалдык-тиричилик багыттагы жана өнөр-жай объекттеринде ичүүчү сууну берүү саат 9:00дөн 15:00 гө чейин токтотулат.
Өчүрүү району:
- «Энесай» конушу;
- «Дордой - 1» конушу;
- «Дордой - 2» конушу.
Ичүүчү сууну өчүрүү «Энесай» суутоптомосунда жана шаардык суу түтүк тармактарына оңдоо иштерин жүргүзүүгө байланыштуу.
«Бишкексууканал» өндүрүштүк-эксплуатациялык башкармалыгы келтирилген ыңгайсыздыктар үчүн кечирим сурайт жана калкты, уюмдарды ичүүчү сууну эртелеп камдап алышын суранат.
