«Түндүк» аркылуу онлайн режиминде соттолгон эместиги тууралуу маалымкатты кантип алса болот – нускама
Санариптик өнүктүрүү министрлиги Электрондук кызмат көрсөтүүлөрдүн мамлекеттик порталы же «Түндүк» мобилдик тиркемеси аркылуу онлайн-кызматты алуу жөнүндө эскертет.
Бул жерде жарандын кылмыш жоопкерчилигине тартылгандыгы же Кыргызстандын аймагында соттолгондугу/соттолгон эместиги тууралуу маалымкат алууга арыз берүү үчүн автоматташтырылган кызмат көрсөтүлгөн.
Маалымкатты 7 күндүн ичинде акысыз алууга болот. Бул үчүн төмөнкүлөр керек:
· электрондук кызмат көрсөтүүлөр мамлекеттик порталы https://portal.tunduk.kg/ же «Tүндүк» мобилдик тиркемеси аркылуу авторизациядан өтүү зарыл;
· «Маалымкаттар, көчүрмөлөр» бөлүмүнөн «КРнын аймагында адамдын жазык жоопкерчилигине тартылгандыгы, соттолгондугу/соттолгон эместиги тууралуу маалымкатты акысыз негизде алууга арыз берүү» кызматын тандаңыз (соттолгон эместиги тууралуу маалымкат);
· маалымкат алуу жерди жана телефон номерин көрсөтүү;
· «Өтүнмөнү тариздөө» баскычын тандаңыз, тандаган соң маалымкат алууга арыздын электрондук формасы чыгат;
· «Жөнөтүү» баскычын басыңыз.
Сиз онлайн режиминде соттолгон эместиги жөнүндө арыз жөнөттүңүз.
Ыкчам жыйынтыкты тандаган жарандар үчүн 1 (бир) жумушчу күндүн ичинде же 3 (үч) жумушчу күндүн ичинде маалымкат алуу үчүн акы төлөнүүчү кызмат жеткиликтүү.
Маалымкат алуу үчүн шашылыш арызды тариздөө үчүн төмөнкүлөр зарыл:
· маалымкат алган жерди тандаңыз;
· телефон номерин көрсөтүңүз;
· аты-жөнүн өзгөртүү тууралуу суроого жооп тандаңыз;
· шашылыш түрүн тандоо (1 же 3 жумушчу күн);
· «Өтүнмөнү тариздөө» баскычын басуу.
Кызматтын наркы:
• 1 жумуш күнү – 191 сом;
• 3 жумушчу күн – 86 сом.
Даяр маалымкатты алуунун эки ыкмасы бар:
• порталдагы же тиркемедеги Жеке кабинетте, көрсөтүлгөн номердеги электрондук почтага жана телеграммаларга элекрондук түрдө;
• берилген жери боюнча (жаныңызда паспорт жана басылган «маалыматтык документ» (арыз) болушу керек).
Белгилей кетсек, 2023-жылы бул кызмат 31 505 жолу колдонулган.
