Коом

Бишкектеги курулуш объектилеринин санитардык нормаларга шайкештиги текшерилди

Сапар Акунбеков

08 фев 2024 13:22

Инспекция курулуш аянтчаларын жана дөңгөлөктөрүн топурактан тазалабай, аянттан чыгып жаткан оор жүк ташуучу унаалардын санитардык нормалардын жана көрктөндүрүү эрежелеринин сакталышын катуу көзөмөлдөйт. Бул тууралуу Бишкектин мэриясы эскертти.

Текшерүү учурунда аныкталган мыйзам бузуулар боюнча жеринде протоколдор түзүлүп, эскертүү иретинде бардык чарбалык субъекттерге жана чарба жүргүзүүчү субъекттерге жакшыртуу эрежелерин милдеттүү түрдө сактоо жөнүндө эскертүүлөр берилет.

Алсак, Үмөталиев көчөсү, 161 дарегинде жайгашкан жолдун жээгинин булганышына жол бербөө боюнча чараларды көрбөгөндүгү үчүн КР «Укук бузуулар жөнүндө» кодексинин 177-беренесинин 2-бөлүгү менен инспекция тарабынан «Самира плюс» ишканасына 23 миң сом айып салынган. Жумабек көчөсү 210 дарегинде жайгашкан «КБ Курулуш» жана Юнусалиев 16 дарегинде жайгашкан «Боорсан Констракшн» ишканалары да ушул берене боюнча жоопкерчиликке тартылат.

Мындан тышкары, санитардык эрежелерди сактабаганы үчүн Панфилов көчөсү, 30 дарегинде жашаган жаран З.Б.Мамиевге 7500 сом айып салынган.

Белгилей кетсек, өткөн жылы аталган инспекция тарабынан жалпы суммасы 2 млн 435 миң 500 сомду түзгөн 116 мыйзам бузуу фактысы аныкталган. Бул багыттагы иштер улантылууда.

Муниципалдык инспекция эскертет: эгерде жеринде көрктөндүрүү эрежелерин бузуу фактылары аныкталса, менчигинин түрүнө карабастан бардык юридикалык жана жеке жактарга протоколдор түзүлөт.

Мындан тышкары окуңуз

Айтматов районунун Чымкент айылында 140 орундуу бала бакчанын курулушу бүттү

Талас облусунун Айтматов районуна караштуу Чолпонбай айыл өкмөтүнүн Чымкент айылында 140 орундуу бала бакчанын курулушу аяктады. Объект республикалык бюджеттин эсебинен каржыланып, жалпы аянты 1 480,85 чарчы метрди түзгөн эки кабаттуу имарат курулду. Курулуш министрлигинин басма сөз кызматынын маалыматына караганда, бала бакча 140 балага ылайыкталып, билим алуу-тарбиялоо, эс алуу

Кыргызстанда сасык тумоого каршы эмдөө башталды

Кыргызстанга сасык тумоого каршы вакциналар алынып келинип, аймактарга таратылып берилди. Бишкектеги үй-бүлөлүк мединалык борборлордо эмдөө башталды. Бул тууралуу Санэпидкөзөмөл департаменти башкармалыгынын жетекчиси Динара Оторбаева "Биринчи радиодон" чыгып сүйлөгөндө билдирди. Динара Отунбаеванын сөзүнө караганда биринчи кезекте ооруну жуктуруп алуу коркунучу жогоркулар бекер эмделет. Алар: * Өнөкөт оорусу бар жарандар

Ч.Айтматовдун айкелинин эскизин даярдап - 200 000 сом байге утуп алуу сунушталууда

Маданият, маалымат жана жаштар саясаты министрлиги залкар жазуучу Чыңгыз Айтматовдун айкелинин жана анын чыгармаларынын негизиндеги скульптуралык композициянын эскиздик долбооруна жарыяланган ачык сынактын мөөнөтү 29-ноябрына чейин созулат. Мындай билдирүүнү аталган министрликтен маалымдашты. Сынактын максаты - жазуучунун инсандыгын, чыгармачылык мурасын жана чыгармаларындагы жалпы адамзаттык баалуулуктарды чагылдырган мыкты монументалдык-скульптуралык чечимди тандоо. Билдирүүгө

Улуттук банк алты талапкердин кызмат ордуна дайындалышына макулдук берди

Кыргыз Республикасынын Улуттук банкы 29-сентябрда коммерциялык банктардагы бир катар жетекчилик кызматтарга сунушталган талапкерлердин талапкерлигине макулдук берди. Бул тууралуу Улуттук банктын басма сөз кызматынан кабарлашты. Билдирүүгө караганда, “Асман Банк” ЖАКтын директорлор кеңешинин төрагасы кызматына сунушталган Исакова Гульзина Абыловнанын, ошондой эле директорлор кеңешинин мүчөлүгүнө сунушталган Ааб Рийна Амалиенин талапкерлигине макулдук берилди.