Коом

Тон районунда 2.8 чакырым аба чубалгылары реконструкцияланат

Сапар Акунбеков

26 апр. 2024 11:08

Тон райондук электр тармактарында энергетика объектилерин күз-кыш мезгилине даярдоо максатында оңдоо иштери кызуу жүрүүдө. Бул тууралуу Энергетика министрлиги билдирди.

Учурда ишкананын кызматкерлери Боконбай айылында эскилиги жетип, авариялык абалга келген жыгач мамыларды жаңы темирбетон мамыларга алмаштырып жатышат. Жалпысынан 2024-жылы Тоң районунда 172 жаңы темир бетон мамылар орнотулат.

Ошондой эле Тоң электр тармактары 2024-жылы электр энергиясы менен камсыздоонун сапатын жогорулатуу максатында жалпы узундугу 3,2 чакырым заманбап СИП зымдарды орнотушат.

Мындан сырткары 10 кВ 1 комплекттүү трансформатордук көмөкчордон орнотулуп, 3 трансформатор кубаттуулугу жогору трансформаторго алмаштырылат.

Ошону менен бирге, Тоң РЭТинде күз-кыш мезгилине даярдануу иштердин алкагында капиталдык оңдоо иштери улантылууда. Жалпысынан ушул жылы 43 чакырым электр чубалгы жана 46 трансформатор капиталдык оңдоодон өткөрүлөт жана узундугу 2,8 чакырым 10 кВ аба чубалгылары реконструкцияланат.

Авариялык өчүрүүлөрдү азайтуу үчүн узундугу 32 чакырым болгон электр зымдары бак-дарактардын бутактарынан тазаланат.

Ысык-Көл электр тармактар ишканасынын пландалган жумуштардын жана техникалык тейлөөнүн графиги тууралуу билдирүүлөр Ысык-Көл электр тармактарынын официалдуу сайтында https://ipes.nesk.kg/ru/ жана Facebook, Instagram социалдык тармактарындагы баракчаларында жайгаштырылат. Ошондой эле “Мой свет” тиркемесине билдирүүлөр келет.

Мындан тышкары окуңуз

МинКаб Баткен облусундагы алтын жана сурьма кендерин иштетүү боюнча инвесторду өзгөрттү

Министрлер Кабинети "Кыргызполиметалл" ЖЧКсына "Нурлау" жана "Шаркыратма-Караканыш" сурьма жана алтын кендерин пайдалануу укуктарын ишке ашыруу боюнча LongShao Group менен кызматташууну карап чыгуу сунушун берди. Тиешелүү №262-т буйрукка 2026-жылдын 18-апрелинде Министрлер Кабинетинин төрагасы Адылбек Касымалиев кол койгон. Документ 100 пайыз мамлекеттик үлүшү бар чарба жүргүзүүчү

Ош шаарында 1200 орундуу заманбап мектеп курулуп жатат

Ош шаарында Салижан Жигитов атындагы 1200 орундуу мектептин курулушу жүрүп жатат. Долбоор мамлекеттик бюджеттин эсебинен ишке ашырылып, учурда курулуш иштери кызуу жүрүүдө. Бул тууралуу Курулуш министрлигинен билдиришти. Башкы планга ылайык, мектеп 5 блоктон турган 4 кабаттуу имарат болуп салынат. Жалпы аянты 13 610 чарчы метрди түзөт. Анда заманбап окуу класстары,

Үч-Коргон ГЭСинин эки гидроагрегаты 26,8% реконструкцияланды

Үч-Коргон ГЭСинде №1 жана №2 гидроагрегаттарды реконструкциялоо иштери кызуу жүрүп жатканын Энергетика министрлигинен билдиришти. Бүгүнкү күндө жумуштун 26,8%ы бүткөн. Иштер бекитилген графикке ылайык, Кытайдын CNEEC башкы подряддык компаниясы адистери тарабынан аткарылып жатат. Модернизациянын натыйжасында ГЭСтин кубаттуулугу ырааттуу өсүп жатат. 2025-жылы №3 жана №4 агрегаттар жаңылангандан кийин станциянын кубаттуулугу

Гүлчөдө 92 турак жайды сел каптады

27-28-апрелде Ош облусунун Алай районунун Гүлчө шаарында нөшөрлөп жааган жаандын кесепетинен сел жүрүп, турак үйлөрдүн жана социалдык объекттердин короолоруна жана жер төлөлөрүнө суу кирген. Бул тууралуу ӨКМдин басма сөз кызматы билдирди. Маалыматка ылайык, түзүлгөн кырдаалга байланыштуу Гүлчө шаарынын мэриясы тарабынан “Өзгөчө кырдаалдар” режими киргизилди. ӨКМ тарабынан кырсык болгон аймакка жалпы