“Сенин Эко Зарядың” акциясы жыйынтыкталды
Бүгүн Бишкек шаарынын мэриясы жарыялаган “Сенин Эко Зарядың” акциясынын жыйынтыгы чыгарылып, жеңүүчүлөр менен уюштуруучулардын катышуусундагы салтанаттуу жыйын болуп өттү. Аталган акция мындан жарым жыл мурда экологияны зыяндуу калыктардан сактоо максатында старт алып, ага ордо калаадагы бардык мектептер катышкан. Акциянын шарты боюнча мектеп окуучулары колдонудан чыккан батареяларды чогултуп, утилизациялоого өткөрүп бериши шартталган - деп билдирди, вице-мэр Рамиз Алиев.
“Экологияга зыяндуулугу боюнча экинчи орунду ээлеген кооптуу калдык – бул батареялар. Анын зыяндуулугу тууралуу окуучуларга айтып гана тим болбостон, атайын акция өткөрүү менен алган билимдерин бышыктайлы дегенбиз. Жарым жыл мурда жарыяланган “Сенин Эко Зарядың” аттуу акцияга шаардын мектептеринин баары катышты. Ал эми алардын ичинен эң активдүү болуп - №12, №66 жана №21 мектеп аныкталды.”.
Акцияда ат салышып, алдынкы орунду ээлеген 3 мектепке тең жергиликтүү курулуш компаниялар тарабынан воркаут-аянтчалар салынып берилди. Экологиялык акцияда үчүнчү орунду ээлеген 21-мектептин короосунда эми заманбап, коопсуз, спорттук машыгууларды өткөрүүгө ыңгайлуу болгон аянтча орун алды. “PARTNER” компаниялар тобу тарабынан салынган бул аянтча узак жана пайдага жумшала тургандыгын аталган компаниянын тең-негиздөөчүсү Рафгат Хантимеровдун айтып берди.
“Бул демилгеге колдоо көрсөтүү сунушу берилгенде биз дароо эле макул болдук. Анткени баарыбыздын үйбүлөөбүз жана балдарыбыз бар. Алар үчүн экологиялык жактан таза жана коопсуз курулуш материалдарды колдонуп, воркаут – аянтча салдык. Балдардын коопсуздугу жана саламаттагы баарыбыз үчүн маанилүү. Бул аянтчалар сапаттуу болгондуктан, мектепке көп жылдар бою кызмат кылат.”
Уюуштуруучулардын айтымында орто мектептерди кошо алганда, Бишкек шаары боюнча эскирген батареяларды кабыл ала турган 600дөн ашуун пункт бар. Ошол жерлерге кубаттулугун жоготкон эски батареяларды тапшырып, анын экологияга тийгизген зыянын азайтууга салым кошуу баарыбызга сунушталат.
