Араванда пахтаны заманбап техника менен жыйнашууда
Айыл чарба министрлигинен билдиришкендей, Араванда пахта түшүмү заманбап комбайндар менен жыйналууда.
Суу ресурстары, айыл чарба жана кайра иштетүү өнөр жайы министрлигинин «3+2+1» долбоорунун алкагында Араван районунда бирдиктүү үрөн чарбасы тандалып, жалпы 1115 гектар аянтка пахта эгилген.
Бүгүнкү күндө аймакта түшүм жыйноо иштери кызуу жүрүп жатат. Бул жылы пахта кол менен эмес, Кытайдан алынып келинген заманбап комбайндар менен жыйналып жатат. Былтыр пахтанын килограммы кол менен 17 сомдон терилсе, быйыл комбайн менен терүүнүн баасы болгону 4 сомду түздү. Бул дыйкандар үчүн бир топ жеңилдик жаратууда.
