Караколдо сейил бак курууга 3,8 млн сомдук тендер жарыяланды
Каракол шаардык муниципалдык менчикти башкаруу башкармалыгы Каракол дарыясынын жээгине курула турган сейил бактын долбоордук-сметалык документтерин даярдоо үчүн тендер жарыялады.
Мамлекеттик сатып алуулар порталындагы маалыматка ылайык, бул ишке жалпы 3 миллион 855 миң 100 сом бөлүү каралууда. Тендерге катышууга кызыкдар компаниялар өз сунуштарын 14-октябрга чейин тапшыра алышат.
Буга чейин Президенттин басма сөз кызматы Каракол шаарын өнүктүрүү боюнча ири пландар бар экенин билдирген. Маалым болгондой, пландаштырылып жаткан сейил бактын узундугу 2 чакырым болот жана ал жөө жүргүнчүлөр, велосипедчендер жана эс алуучулар үчүн ыңгайлуу шарттарды түзүп бермекчи.
