"Бала береке" жөлөк пулун алуунун шарттары кандай?

2026-жылдын 1-январынан тарта төртүнчү жана андан кийинки баласын төрөгөн, тоолуу же алыскы аймактарда жашаган энелерге «Бала береке» аттуу бир жолку жөлөк пулу бериле баштайт. Бул тууралуу Эмгек, социалдык камсыздоо жана миграция министрлигинен билдиришти.

Жөлөк пулдун өлчөмү төрөт тартибине жараша төмөндөгүдөй:
– 4-бала үчүн – 100 000 сом
– 5-бала үчүн – 600 000 сом
– 6-бала үчүн – 800 000 сом
– 7-бала үчүн – 1 000 000 сом
– 8-бала үчүн – 1 200 000 сом
– 9-бала үчүн – 1 500 000 сом
– 10 жана андан көп балдар үчүн – 2 000 000 сом

Жөлөк пулду бала бир жашка толгондон кийин алууга болот. Ага тоолуу жана алыскы, жетүүгө кыйын аймактарда кеминде эки жыл туруктуу жашаган көп балалуу энелер укуктуу. Өтүнмө берүүдө мурда каза болгон балдар да эске алынат, эгерде алардын туулгандыгы тууралуу күбөлүктөрү бар болсо.

Эгер:
– жалган же туура эмес документтер берилсе;
– балдар толугу менен мамлекеттин кароосунда болсо;
– эне КР жарандыгына ээ болбосо жана кайрылман статусу жок болсо;
– бала бир жашка жетпей чарчап калган болсо;
– эне ата-энелик укугунан ажыратылган болсо;
– жаза өтөө, дарылануу же тарбиялык мекемелерде болуу учурларында жөлөк пул берилбейт.

Бир жолку төлөмдү алуу укугу пайда болгон күндөн тартып 6 айдын ичинде өтүнмө берүү зарыл. Эгер бул мөөнөт өзгөчө кырдаал мезгилине туш келсе, ал 30 календардык күнгө узартылат.

Жөлөк пулу алуу үчүн төмөнкү документтер талаш кылынат:
– паспорт же кайрылман күбөлүгү;
– балдардын туулгандыгы тууралуу күбөлүктөрү;
– эгиз болсо — төрөт тастыктамасы;
– жашаган жери тууралуу маалымкат;
– банк реквизиттери.

"Бала береке" бир жолку жөлөк пулу айыл жергесинде жашаган көп балалуу үй-бүлөлөрдү колдоого жана балдардын татыктуу жашоосуна шарт түзүүгө багытталган.