ChatGPT Go кызматы өз мейкиндигин кеңейтет
Интерфакс маалымат агенттиги “OpenAI компаниясынын ChatGPT Go кызматы Азиядагы дагы 16 өлкөдө жеткиликтүү болорун компаниянын вице-президенти Ник Терли билдирди”,- деп жазды.
Маалыматта, буга чейин эң арзан делген бул тариф Индияда жана Индонезияда ишке киргизилип, баасы болжол менен 4,5 долларды түзгөн. Эми ал Афганистан, Бангладеш, Бутан, Бруней, Камбоджа, Лаос, Малайзия, Мальдивы, Мьянма, Непал, Пакистан, Филиппин, Шри-Ланка, Таиланд, Чыгыш Тимор жана Вьетнам өлкөлөрүндө да жеткиликтүү болот.
Бул тариф колдонуучуларга кеңейтилген мүмкүнчүлүктөрдү, анын ичинде сүрөт жасоо функциясын да сунуштайт. Компания мындай кадам менен жаңы GPT-5 моделин көбүрөөк адамдарга жеткиликтүү кылууну көздөөдө.
OpenAI дүйнөнүн көпчүлүк өлкөлөрүндө “ChatGPT Plus” кызматына айына 20 доллар, “ChatGPT Pro” кызматына айына 200 доллар тарифин сунуштап келе жатат.
