«Кыргыз Туусу», «Эркин-Тоо» гезиттери ишмердүүлүктү багытсыз жүргүзүшкөн
Эсептөө палатасы тарабынан “Кыргыз Туусу” Басма үйү жана “Эркин-Тоо” мамлекеттик расмий гезиттеринин 2020–2024-жылдардагы ишмердүүлүгүнө шайкештик аудит жүргүзүлдү.
Эсептөө палатасынын маалыматына караганда, текшерүүнүн жыйынтыгында эки мекемеде тең өндүрүштүк-финансылык пландар түзүлбөгөндүктөн ишмердүүлүк багытсыз жүргүзүлүп келгендиги аныкталды.
Эки мекемеде тең каражаттар сарамжалсыз пайдаланылганы аныкталды, ал эми майрам күндөрүнө сый акылар берилгени менен, жылдар таза кирешесиз жыйынтыкталган. Ошондой эле ички көзөмөлдүн жетишсиздиги жана сатып алуулар мыйзам талаптарын бузуу менен аткарылгандыгы белгиленди.
Текшерүүнүн жыйынтыгында, Эсептөө палатасы мекемелерге финансылык тартипти күчөтүү, ички көзөмөлдү жакшыртуу жана сатып алууларды мыйзам чегинде жүргүзүү боюнча сунуштарды берген.
