Коом

Кыргызстанда жаныбарларды геномдук баалоо борбору курулат

Ишкер Media

10 окт. 2025 11:06

22-октябрда Фрунзе айылындагы Кыргыз мал чарба жана жайыт институтунун аймагында жаныбарларды геномдук баалоо боюнча тренинг-борборунун жана жатакананын курулушуна капсула салынат. Бул тууралуу Айыл чарба министрлигинин басма сөз кызматынан билдиришти.

Иш-чарага айыл чарба министри Бакыт Төрөбаев, Кореянын элчиси Ким Кванджэ, KOICA жана KOPIA уюмдарынын өкүлдөрү катышат. Иш-чаранын алкагында айыл чарба жаныбарларынын биотехнология бөлүмүнө сапар уюштурулат.

Аталган борбор агрардык адистерди даярдоого, илимий изилдөөлөрдү жүргүзүүгө жана малдын продуктивдүүлүгүн жогорулатууга багытталган. Долбоор KOICA тарабынан ишке ашырылып жатат.

Борбордун ишке кириши Кыргызстан менен Кореянын айыл чарба жаатындагы кызматташтыгын кеңейтип, геномдук баалоонун заманбап ыкмаларын өнүктүрүүгө шарт түзөт.

Дарек: Фрунзе айылы, Кыргыз мал чарба жана жайыт институту.

Мындан тышкары окуңуз

Түп токой чарбасынын мурдагы жетекчисине кылмыш иши козголду

Түп токой чарбасынын мурдагы жетекчисине кылмыш иши козголду

Токой чарба кызматынын Түп токой чарбасында коррупциялык фактылар аныкталды. Бул тууралуу Улуттук коопсуздук мамлекеттик комитетинен билдиришти. Маалыматка ылайык, тергөө амалдарынын жүрүшүндө токой чарбанын мурдагы жетекчиси Р.Б. кызматтык абалынан пайдаланып, мамлекеттик токой фондусунун жерлерин өзүнүн жакын туугандарына мыйзамсыз бөлүп бергени аныкталды. Ал токой продукцияларын атайын төмөндөтүлгөн баада сатып өткөрүп, мунун

Казакстандан ташылып келген 36 тонна ун артка кайтарылды

Казакстандан ташылып келген 36 тонна ун артка кайтарылды

Чүй облусундагы "Ак-Тилек" өткөрүү пунктунда фитосанитардык сертификаты жок Казакстандан ташылып келген 36 тонна ун Кыргызстандын аймагына киргизилбей, кайра жөнөтүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Өсүмдүктөрдү химиялаштыруу, коргоо жана карантин департаментинин Чүй-Бишкек башкармалыгынын маалыматына ылайык, 8-июлда "Ак-

Ошто жаңы LED экрандар жана "акылдуу" аялдамалар пайда болот

Ошто жаңы LED экрандар жана "акылдуу" аялдамалар пайда болот

Ош шаарында муниципалдык жер тилкелерин пайдалануу боюнча комиссиянын кезектеги жыйынында 49 маселе каралып, анын ичинде 22 жер тилкесин LED экран орнотуу үчүн берүүгө макулдук берилди. Мэриянын маалыматына ылайык, комиссиянын 8-июлдагы отурумунда жалпысынан 49 маселе каралды. Жыйындын жыйынтыгында 22 жер тилкесин LED экран орнотуу үчүн, 8 жер тилкесин аукцион аркылуу

Ошто азык-түлүк менен күйүүчү майдын баасы көзөмөлгө алынды

Ошто азык-түлүк менен күйүүчү майдын баасы көзөмөлгө алынды

Монополияга каршы жөнгө салуу кызматынын Ош шаары боюнча бөлүмү социалдык маанидеги азык-түлүк товарларынын, цементтин жана күйүүчү-майлоочу майлардын чекене бааларына мониторинг жүргүздү. Кызматтын маалыматына ылайык, текшерүүнүн негизги максаты биринчи кезекте керектелүүчү товарлардын баасын негизсиз жогорулатууга жол бербөө, керектөөчүлөрдүн укуктарын коргоо жана Ош шаарындагы базарларда баанын туруктуулугун камсыз кылуу болду.