Токтогулда жаңы сорт картошка 2,5 млн сом киреше алып келди
Токтогул районунун Кызыл Өзгөрүш айылында 3+2+1 долбоорунун алкагында жогорку түшүмдүү герезо сортундагы картошка өстүрүлдү. Бул тууралуу Айыл чарба министрлигинен билдиришти.
Маалыматка ылайык, 29-апрелде Голландиядан алынып келинген 3-репродукциядагы үрөндөр гектарына 3 тоннадан себилген. Өсүмдүктөргө гербициддер жана инсектициддер колдонулуп, кошумча азыктар менен камсыздалган.
Натыйада ар гектардан 35 тонна, жалпысынан 105 тонна картошка жыйналды. Долбоордун таза кирешеси 2 миллион 550 миң сомду түзүп, рентабелдүүлүк 425%ды түздү.
Фермердин айтымында, герезо сортунун түшүмдүүлүгү жогору жана сактоого ылайыктуу. Кийинки жылы айдоо аянтын кеңейтүү пландалууда.
