БШК: Мыйзамсыз акча чогулткандар жазаланат
Борбордук шайлоо комиссиясы шайлоочуларга, талапкерлерге жана саясий партияларга расмий билдирүү кылды.
Анда социалдык тармактарда чыгып жаткан шайлоо фонддоруна мобилдик колдонмолор аркылуу акча чогултуу тууралуу билдирүүлөр шайлоо мыйзамына туура келбестиги эскертилген.
Аталган билдирүүдө шайлоо фонддоруна “Элдик банк” жана “Айыл банк” жана ушул банктардын расмий мобилдик колдонмолору аркылуу гана мыйзамдуу акча которууларга жол берилери айтылат. Ошондой эле ар бир талапкер жана партия атайын эсеп ачып, ага физикалык жана юридикалык жактар, талапкер өзү акча салса болору кошумчалаган.
Эгер кайсы бир талапкер же партия мыйзамсыз акча чогултса жоопкерчликке тартылат.
