Чүйдөгү мыйзамсыз курулушка 200 миң сом айып салынды
Чүй облусунун Москва районундагы Садовое айылында уруксатсыз курулуш фактысы аныкталды. Бул тууралуу Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Чүй региондук башкармалыгы билдирди.
Маалыматка ылайык, Совет көчөсүндө жайгашкан газ куюучу станция тиешелүү долбоордук уруксат документтерисиз курулуп жатканы аныкталган.
Натыйжада, аныкталган мыйзам бузууларды жоюу боюнча жазуу турүндө эскертүү берилди. Ошондой эле, протокол түзүлүп 200 миң сом өлчөмүндө айып пул салынды.
Чүйдө уруксатсыз курулушка 200 миң сом айып салынды
