Саламаттык сактоо тармагын каржылоо 130 млрд сомго жетет
2030-жылга чейин саламаттыкты сактоо тармагын каржылоону 130 млрд сомго жеткирүү пландалып жатканын Министрлер Кабинетинин төрагасы Адылбек Касымалиев бүгүнРеспубликалык клиникалык жугуштуу оорулар бейтапканасынын жаңы балдар имаратынын ачылышында билдирди.
Анын айтымында, өлкөдө буга чейин жылына 600гө жакын объект курулса, 2025-жылы мамлекеттик каржылоонун эсебинен 3 миңден ашуун объект курулат жана анын 32си медициналык мекемелер болот.
"Акыркы эки жылда саламаттыкты сактоонун бюджети 22ден 49 млрд сомго чейин өстү. Гемодиализге эле 2025-жылы 2,5 млрд сом бөлүндү, ал 2022-жылы 300 млн сом гана болчу. 2030-жылга чейин саламаттыкты сактоо тармагын каржылоону 130 млрд сомго жеткирүү пландалып жатат", - деп белгиледи А.Касымалиев.
