Кыргызстан Эл аралык эмгек уюмунун Иш менен камсыз кылуу жеке агенттиктери жөнүндө конвенциясын ратификациялады
Президент Садыр Жапаров “Эл аралык эмгек уюмунун 1997-жылдын 3-июнунда Женева шаарында кабыл алынган Иш менен камсыз кылуу жеке агенттиктери жөнүндө № 181 конвенциясын ратификациялоо тууралуу” КРнын мыйзамына кол койду.
Мыйзам 2025-жылдын 25-сентябрында Жогорку Кеңеш тарабынан кабыл алынган. Жогоруда аталган Конвенция ишке орноштуруу жаатындагы эл аралык укуктун негиз салуучу документтеринин бири болуп саналат.
Конвенцияны ратификациялоо иш менен камсыз кылуу жеке агенттиктери үчүн ченемдик укуктук базаны түзүүгө өбөлгө болот жана бирдиктүү стандарттарды бекитип, агенттиктер көрсөткөн кызматтардын сапатын жогорулатууга мүмкүндүк берет.
Андан сырткары бул эмгек чөйрөсүндөгү улуттук мызамдарды эл аралык нормалар менен айкалыштырганга жардам берерин мамлекет башчынынын маалымат кызматы баса белгиледи.
