Топографиялык сүрөткө тарттыруу эмнеге маанилүү?
Эгер сиз Бишкектен жер тилкесине ээ болуп, курулуш баштоону пландап жатсаңыз — эң биринчи кадам топографиялык сүрөткө тарттыруу болушу керек. Бул — сиздин объектиңиздин так жайгашкан жерин аныктап, жер астындагы инженердик тармактарды (түтүктөр, кабелдер ж.б.) көрсөтүүгө жардам берген маанилүү кадам. Бул тууралуу Курулуш министрлиги билдирет.
Бишкектеги жер тилкелеринин топографиялык пландарын Шаар куруу жана архитектура департаментинин атайын бөлүмү иштеп чыгат. Бул пландар кийин үйлөрдү, жолдорду, тротуарларды, спорт аянтчаларын долбоорлоодо негизги документ катары колдонулат.
Топографиялык сүрөткө тарттыруу үчүн "Бирдиктүү терезе" аркылуу арыз калтырып, керектүү документтерди тапшырыңыз.
