Кыргызстандык аял мигранттардын саны көбөйдүбү?
Миграция боюнча эл аралык уюмунун отчетунда Борбор Азия өлкөлөрүнүн эмгек миграциясынын тенденциясында өзгөрүү болуп, мигранттардын арасында эми аялдар басымдуулук кыла баштаганы жазылган.
БУУнун Экономикалык жана социалдык маселер департаментинин маалыматы боюнча 2024-жылдын ортосуна карата 540 миң мигрант сыртта болсо, анын 55%ын аялдар түзгөн.
Ошону менен бирге эле мигранттардын акча которуулары мурдагыдай эле өлкө экономикасында негизги ролду ойнойт. Улуттук банктын маалыматына таянсак, 2023-жылы мигранттардын акча которуулары 3 млрд долларга жетип, ИДПнын 17 пайызын түзгөн.
Өткөн жылдын күз мезгилинде 48 миң кыргызстандык мекенине кайтып келсе анын 28%ы аялдар болгон.
Эксперттер аял-мигранттардын көбөйүшү социалдык гана эмес, экономикалык да феномен экенин белгилешүүдө.
