Бишкектин жаңы Башкы планында эмнелер талкууланды?

Бишкек шаарынын мэриясынын жана шаар куруу жана архитектура боюнча башкы башкармалыгынын өкүлдөрү Перспективдүү шаар куруу боюнча илимий-изилдөө институтуна барып, Бишкек шаарынын жаңы Башкы планын иштеп чыгуучулар менен жолугушту. Бул тууралуу муниципалитеттен билдиришти.

Жолугушууда шаарды өнүктүрүүнүн негизги багыттары — функционалдык зонага бөлүү, социалдык инфраструктура, транспорт жана экология маселелери талкууланды.

Институттун башкы архитектору Ирина Гришечкина жана долбоорлордун жетекчиси Вероника Зыкинашаарды жашоо, эс алуу, өндүрүш жана соода аймактарына бөлүү сунуштарын беришти. Алар жаңы аймактарды учурдагы райондор менен тең салмакта өнүктүрүү жана интеграциялоо зарылдыгын белгилешти.

Социалдык инфраструктура боюнча Ольга Друзина калкты мектептер, бала бакчалар, медицина, маданият жана спорттук объекттер менен камсыздоону жакшыртуу боюнча сунуштарды киргизди.

Транспорт тармагында жол тармагын оптималдаштыруу, коомдук транспортту өнүктүрүү жана жөө адамдар үчүн шарттарды жакшыртуу чаралары каралды. Ал эми экология бөлүмүндө абанын жана суунун сапатын жакшыртуу, экологиялык туруктуу өнүгүү принциптерин киргизүү маселелери талкууланды.