Коммерциялык эмес уюмдарга отчеттук талаптар күчөтүлдү
Мамлекеттик салык кызматы коммерциялык эмес уюмдардын кирешелер жана чыгашалар боюнча жыйынды маалымат тапшыруу милдети кеңейгенин маалымдайт. Бул тууралуу ведомстводон билдиришти.
Жаңы мыйзамга ылайык, эми саясий партиялар, кесиптик бирликтер, диний уюмдар жана кооперативдер да өз кирешеси менен чыгашасы, каражат булактары жана мүлк тууралуу жыл сайын 1-апрелге чейин салык органдарына электрондук форматта маалымат берүүгө милдеттүү.
Бул өзгөртүү Конституциялык соттун чечимине ылайык бардык коомдук бирикмелер үчүн финансылык отчеттуулуктун бирдиктүү тартибин киргизүү максатында кабыл алынган.
Мурда мындай маалыматты акысыз жардам жана материалдык каражаттардын эсебинен иш алып барган коомдук бирикмелер, фонддор жана ассоциациялар гана тапшырып келишкен.
