Айыл чарба министрлиги: III Элдик Курултайдан 410 иш-чара пландалып, баары аткарылууда
2025-жылга карата Суу ресурстары, айыл чарба жана кайра иштетүү өнөр-жайы министрлигине III Элдик Курултайдын делегаттарынан келген сунуштардын негизинде жалпы 410 пункттан турган иш-чаралар планыбекитилди. Бул тууралуу Айыл чарба министрлигинен билдиришти.
Маалыматка ылайык, анын ичинен 50 иш-чара (12%) аткарылган, ал эми 360 иш-чара (88%) учурда аткарылып жатат, аткарылбай калган иш-чара жок.
Кайрылуулардын көпчүлүгү ирригация маселесине (60%) жана ичүүчү таза сууга (23%) байланыштуу. Бул маселелер стратегиялык мааниге ээ жана учурда активдүү ишке ашырылууда.
Мисалы, Сузак районуна караштуу Сайпидин Атабеков айыл өкмөтүндө эски, тоңуп калган скважиналарды тазалоо иштери жүргүзүлүп, 10 скважина кайрадан пайдаланууга берилди, учурда 4-скважина боюнча иштер уланууда. Бул аракеттер Мундуз айылынын айдоо жерлерин сугат суу менен камсыздоого шарт түзөт.
