Бишкекте медициналык мекемелерди текшерүү иштери уланууда
Бишкек мэриясы Саламаттык сактоо министрлиги менен биргеликте шаардагы саламаттык сактоо уюмдарына пландуу текшерүү иштерин улантууда.
Шаардык муниципалитеттин маалыматына ылайык, вице-мэр Виктория Мозгачева төмөнкү объектилерге барды:
- №10 үй-бүлөлүк медицина борбору (Свободная көч., 9) – бул жерде кошумча имарат менен галерея куруу үчүн долбоордук-сметалык документация даярдалууда;
- №10 ҮМБнын филиалы (Наманган көч., 28) – пайдаланууга жараксыз бөлүгүн бузуу үчүн тиешелүү документтерди мэрия тарабынан даярдоо тапшырылды;
- №3 ҮМБнын филиалы («Лесхоз» кичи району, Лесхоз көч., 15) – мэрия керектүү документтерди калыбына келтирүүгө жардам берет, ал эми «Северэлектро» мекемеси электр энергиясына кошууну камсыздайт.
Мэриянын маалыматына караганда, Саламаттык сактоо министрлиги менен биргеликте шаардагы медициналык объектилерди иретке келтирүү иштери мындан ары да улантылат.
