Өлкөдө ветеринардык иштердин планы 102%га аткарылды
Республика боюнча ветеринардык кызматтар тарабынан мал-жандыктардын жугуштуу ооруларынын алдын алуу максатында күзгү эмдөө жана профилактикалык иш-чаралар жүргүзүлүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
2025-жылдын 9 айынын жыйынтыгы боюнча ветеринардык жана эпизоотияга каршы иш-чаралар 17,9 млн баш малга карата аткарылды. Анын ичинде:
- 930,6 миң баш малга диагностикалык изилдөөлөр жүргүзүлгөн;
- 16,5 млн баш мал алдын ала эмделген;
- 552,4 миң баш малга дегельминтизация (паразиттерге каршы дарылоо) жасалган.
Маалыматка ылайык, жылдык план 102%га аткарылып, өлкөдөгү эпизоотиялык абал туруктуу бойдон калууда. Мындай иштер мал чарбасын өнүктүрүүдө, ошондой эле элдин жана жаныбарлардын ден соолугун сактоодо маанилүү роль ойнойт.
