Бишкекте 3-ноябрда ичүүчү суу убактылуу өчүрүлөт
Мэриядан билдиришкендей, 3-ноябрь күнү саат 10:00дөн 22:00гө чейин турак жайларга, мектептерге, бала бакчаларга, саламаттыкты сактоо мекемелерине жана башка социалдык жана өнөр жай объектилерине ичүүчү суу берүү токтотулат.
Суунун өчүрүлүшү диаметри 300 мм суу түтүгүндөгү авариялык оңдоо иштерине байланыштуу жүргүзүлөт.
Өчүрүү аймагы төмөнкү көчөлөр менен чектелет:
Асаналиев – Алтымышев – Бакаев – Циолковский көчөлөрү.
«Бишкексууканал» МИси жаралган ыңгайсыздыктар үчүн кечирим сурап, уюмдарды жана шаар тургундарын алдын ала ичүүчү суу камдап алууга чакырды.
