Айыл чарба министрлиги 200 гектар айдоо аянтына күздүк буудай айдады
Бүгүн, 3-ноябрда Суу ресурстары, айыл чарба жана кайра иштетүү өнөр жайы министрлиги Кыргыз мамлекеттик асыл тукум мал чарба заводунун 200 гектар айдоо аянтына жогорку түшүмдүү күздүк буудай септи.
Министрликтин маалымтына ылайык, бул демилге жаңы технологияларды жана илимий ыкмаларды колдонуу аркылуу түшүмдүүлүктү жогорулатууга жана азык-түлүк коопсуздугун камсыздоого багытталган. Себүү иштерин Министрликке караштуу департаменттер жана Кыргыз айыл чарба илим-изилдөө институту жүргүзүштү.
Себилген талаада тажрыйбалык иштер жүргүзүлүп, өсүмдүктөрдүн өнүгүүсүнө илимий-методикалык колдоо көрсөтүлөт. Ошондой эле жер семирткичтерди, үрөндөрдү жана сугаруу системасын оптималдаштыруу боюнча жаңы ыкмалар апробациядан өткөрүлөт, бул келечекте башка чарбалар үчүн үлгү болот.
