“Таза суу” программасынын алкагында 600 айыл таза суу менен камсыздалууда

Суу ресурстары, айыл чарба жана кайра иштетүү өнөр жайы министрлигине караштуу Ичүүчү суу менен камсыз кылуу жана саркынды сууларды чыгаруу департаментинин маалыматына ылайык, «Таза суу» программасынын алкагында өлкө боюнча 600 айыл камтылган. Бул тууралуу министрликтин маалымат кызматынан билдиришти.

Анын ичинен учурда 119 айылда активдүү курулуш иштери улантылып жатат:

65 айыл – донордук каржылоо аркылуу;

24 айыл – республикалык бюджеттен;

30 айыл – Курулуш министрлигинин карамагында.

Программанын алкагында 600 айылга долбоорлор төмөнкү булактардан ишке ашырылууда:

330 айыл – республикалык бюджеттин эсебинен;

236 айыл – донордук булактар аркылуу;

34 айыл – Курулуш, архитектура турак жай-коммуналдык чарба министрлигинин карамагында.