Ош жана Жалал-Абад аэропортторунун курулушу качан аяктаары белгилүү болду

Ош жана Жалал-Абад аэропортторунун курулушу качан аяктаары белгилүү болду

“Кыргызстан аэропорттору” ААКнун башкармалыгынын төрагасы Манасбек Самидинов Ош жана Жалал-Абад аймактарына жумушчу сапар менен барып, эки маанилүү инфраструктуралык долбоордун курулушунун жүрүшүн карап чыкты. Иш сапарынын жүрүшүндө ал курулуш аянтчаларын карап чыгып, иштин жүрүшүн жана сапатын баалап, адистердин жана подрядчылардын отчетторун укту.

Аталган мекеменин басма сөз кызматынын маалыматына караганда Ош эл аралык аэропортунун жаңы терминалынын курулушу 2026-жылдын аягына чейин бүтөт. Учурда Ош эл аралык аэропортунда аянты 25 миң чарчы метрден ашкан жаңы терминал курулуп жатат. Ал аэропорттун жүргүнчүлөрдү тейлөө мүмкүнчүлүгүн кеңейтип, ыңгайлуу шарттарды түзүүгө багытталган.

Ошондой эле Самидинов жаңы Жалал-Абад эл аралык аэропортунун курулушун да текшерип чыкты. Билдирүүгө караганда, анын долбоорунун алкагында заманбап аэровокзал комплекси жана учуп-конуу тилкеси курулуп, 2027-жылдын үчүнчү кварталына чейин аяктоо пландалууда.

Иш сапардын жүрүшүндө курулуш иштеринин сапатына, колдонулган материалдарга жана белгиленген мөөнөттөрдүн сакталышына өзгөчө көңүл бурулду.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Кыргызстан менен Пакистан товар жүгүртүүнүн көлөмүн көбөйтүү боюнча талкуулашты

Бишкектеги бир катар үйлөрдө жылуулук жана ысык суу өчүрүлдү

Өлкөдө асыл тукум статусуна ээ болгон чарбаларга мониторинг жүргүзүлөт

2027-жылы республикалык бюджеттин көлөмү 1 трлн сомдон ашат

Аңчылыктын аякташына 1 айга жетпеген убакыт калды