Жаштардын демилгелери мамлекет тарабынан колдоого алынды

Маданият, маалымат, спорт жана жаштар саясаты министрлиги “Мамлекеттик жана муниципалдык максаттуу программалар алкагында жаш демилгелерди мамлекеттик колдоо” конкурсунун жыйынтыгын чыгарды. 

Конкурстун максаты – жаштарды мекенчилдикке тарбиялоо, руханий-моралдык баалуулуктарды бекемдөө, интеллектуалдук, чыгармачыл жана физикалык өнүгүүгө көмөк көрсөтүү, сергек жашоо образын түзүүгө, ошондой эле жаштардын билим берүүчүлүк муктаждыктарын канааттандырууга багытталган демилгелерди колдоо. 

22-октябрдагы комиссиянын чечими менен төмөнкү катышуучулар жеңүүчү деп табылышты:

Данияр Бекишов —“Жаш талант фестиваль-конкурсу”;

Кубанычбек Ашымов — “Жаш акын” конкурсу;Алтынай Жапарбекова  — “Көркөм буюумдар галереясы”;

Баткен Мамлекеттик университети —  «Next Step» долбоору;

Мамай уулу Жеңишбек — «Эко-Арт жашыл демилге»;

Дөбөлү айыл жаштарынын коомдук бирикмеси — “ Маалыматтык-ресурс окуу борбору”;

“Жалал-Абад интеллектуалдык клубу” коомдук бирикмеси — бирдей аталыштагы долбоор;

Абил Каныбеков  — проект “Алга кадам” долбоору;

Айназик Болотбекова — “Ийгилик рецеби” долбоору;“Жумгал KG” жаштар коомдук борбору — “Интеллектуалдык жана инновациялык медиаборбор”.

Аталган жеңүүчүлөрдүн долбоорлору 200 миң сом өлчөмүндө мамлекеттик колдоо алат.