Жумушчуларга өндүрүштөгү мыйзам бузуу жана кырсыктар үчүн 63,1 млн сом компенсация төлөнгөн
Эмгек, социалдык камсыздоо жана миграция министрлигине караштуу Эмгек мыйзамдарын көзөмөлдөө жана контролдоо кызматынын маалыматына ылайык, 2025-жылдын III кварталында өндүрүштөгү мыйзам бузуулар жана кырсыктар саны өскөн.
Контролдук ишмердүүлүк Эл аралык эмгек уюмунун №81 Конвенциясына жана МинКаб бекиткен жобого ылайык жүргүзүлөт.
Тогуз айда инспекторлор:
- 935 текшерүү жүргүзүп, 1009 мыйзам бузуу аныкташкан;
- Жумуш берүүчүлөргө 1320 көрсөтмө берилген жана 6,37 млн сом айып салынган, анын ичинен 4,67 млн сом төлөнгөн;
- 123 кырсык катталып, 135 адам жабыркаган, алардын 51и каза болгон. Оор жаракаттардын саны 32ден 21ге чейин азайган.
Ошондой эле инспекторлор:
- Кызматкерлерге 63,1 млн сом компенсация жана 9,6 млн сом эмгек акы төлөп беришкен;
- 73 соттук отурумга катышып, 169 окуу иш-чарасын өткөрүшкөн;
- 1345 кайрылуу каралып, 4364 оозеки консультация берилген.
