Өкмөт төө буурчактын баасын турукташтыруу үчүн 100 млн сом бөлдү

Өкмөт төө буурчактын баасын турукташтыруу үчүн 100 млн сом бөлдү

Министрлер Кабинети фермерлерди колдоо жана ички рыноктогу фасоль бааларын турукташтыруу максатында "Кыргыз Агрохолдинг" ААКга төө буурчак (фасоль) сатып алуу үчүн 100 миллион сом бөлгөн. Бул тууралуу Айыл чарба министрлигинин маалымат кызматынан билдиришти.

Фермерлерден фасолдун килограммын 95 сомдон сатып алууда. Бул баа башка сатып алуучулардын сунуштарынан (92 сом) жогору болуп, айыл чарба өндүрүүчүлөрүнүн кирешесин көбөйтүүгө багытталган.

Маалыматка караганда, Таласта фасоль эгүү аянты акыркы жылдары өсүп, 2025-жылы 55,8 миң гектардан ашык жерге эгилген, жалпы түшүм 84,2 миң тоннага жеткен. Орточо түшүмдүүлүк гектарына 15,7 центнерди түзгөн.

"Андыктан, айрым жеке тараптардын (блогерлердин) 100 миң тоннадан ашуун төө буурчакты алган кардарлар жок, баасы бир килограммына 60 сомдон ашпай жатат, - деген такталбаган маалыматтары чындыкка дал келбейт",- деп айтылат маалыматта.  
Учурда Талас облусунда фасоль төмөнкү баалар менен сатылууда: «Скороспелка» – 155–160 сом, «Лопатка» – 95 сом, «Томат» – 92 сом.

Бул чаралар айыл чарба өндүрүүчүлөрдү колдоо, ички рыноктогу бааларды туруктуу кармоо жана агроөнөр жай тармагын туруктуу өнүктүрүү максатында жүргүзүлүүдө.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Бишкекте кайсы курулуш объектилери текшерилди?

Бишкектеги 8 акча алмаштыруу бюросуна 55 миң сомдон айып пул салынды

Ош шаарындагы Абдыкадыров көчөсүнө 70 түп сирень отургузулду

Таласта таштанды башкаруу системасын жакшыртуу боюнча иштер жүргүзүлүүдө

Өзбекстанда канча кыргыз жашайт?