Коом

Тогуз айда балык уулоодон түшкөн киреше 11,8 млн сомду түздү

Ишкер Media

04 нояб. 2025 14:25

КРнын Балык өнөр жайы комплекси 2025-жылга спорттук-ышкыбоздук балык уулоо үчүн республикадагы суу объектилеринде лимит бекитти. Бул иш-чараларды эффективдүү уюштуруу максатында коомдук бирикмелер жана жоопкерчилиги чектелген коомдор менен келишимдер түзүлгөн. Бул тууралуу Айыл чарба министрилигинен билдиришти.

Мындан сырткары, "АгроСмарт" мамлекеттик ишканасы Департаменттин катышуусунда электрондук балык уулоо билет системасын иштеп чыгып, ишке киргизди. Билеттерди Министрликтин расмий сайтынын "Кызматтар" бөлүмү жана "Мегапей" төлөм оператору аркылуу сатып алуу мүмкүнчүлүгү бар. Бул система билеттерди алуу процессин жеңилдетип, республиканын бардык аймактарындагы жарандар үчүн жеткиликтүү кылып, кагаз документтерди колдонууну азайтты.

2025-жылдын 9 айында балык уулоо билеттеринин сатылышынан түшкөн сумма 11 859 502 сомду түздү, бул 2024-жылдын ушул мезгилиндеги көрсөткүчтөн (2 655 942 сом) бир нече эсе көп. Адистер белгилегендей, спорттук-ышкыбоздук балык уулоого болгон кызыгуу жеңилдетилген процедуралар менен гана чектелбестен, суу биоресурстарына жоопкерчиликтүү мамилени жогорулатуудан да өсүүдө.

Келечекте электрондук сервистерди өнүктүрүү жана биологиялык ар түрдүүлүктү сактоо, табигый ресурстарды туруктуу пайдалануу максатында балык уулоонун лимиттерин сактоого көзөмөл күчөтүлөт.

Мындан тышкары окуңуз

Нарында катуу шамал болуп китепкананын чатырын учуруп кетти

4-июлда Нарын шаарынын аймагында катуу шамал катталды. Бул тууралуу Нарын облустук өзгөчө кырдаалдар башкармалыгынын маалымат кызматы билдирди. Маалыматка ылайык, саат 16:40 чамасында катуу шамалдан улам Ала-Мышык тоосундагы "О" уюлдук операторунун бир радиорелейдик антеннасы кулаган. Анын кесепетинен "О" уюлдук операторунун байланыш түйүнү үзгүлтүккө учурап,

Ошто эскилиги жеткен көрнөк-жарнактар алынды

Ош шаарында көрнөк-жарнактарды “Мамлекеттик тил жөнүндө” жана “Жарнак жөнүндө” мыйзамдарынын талаптарына ылайык келтирүү максатында кезектеги рейддик иш-чара өткөрүлдү. Бул тууралуу Ош шаардык мэриясынан билдиришти. Ош шаарынын мэриясынын Мамлекеттик тил боюнча комиссиясы жана муниципалдык менчик башкармалыгынын Жарнак жана дизайн бөлүмү менен биргеликте А. Навои көчөсүндө эскилиги жеткен жана талаптарга

Оштогу эскилиги жеткен жылуулук түтүктөрү алмаштырылат

Ош шаарынын мэринин орун басары Эрнис Толтоев “Жылуулук электр борбору" муниципалдык ишканасынын өкүлдөрү менен жумушчу жыйын өткөрдү. Бул тууралуу Ош шаардык мэриясынан билдиришти. Маалыматка ылайык, жыйында А.Масалиев көчөсүндөгү эскилиги жеткен магистралдык жылуулук куурларын жаңылоо маселеси талкууланды. Долбоордун алкагында ТК-9 жылуулук камерасынан ТК-16 жылуулук камерасына чейинки узундугу

Адылбек Касымалиев иш сапары менен Россияга барат

Министрлер Кабинетинин төрагасы Адылбек Касымалиев Россия Федерациясынын Екатеринбург шаарына жумуш сапары менен барат. Президенттик админстрациянын маалыматтык саясат бөлүмүнүн айтымына караганда, А.Касымалиев бир катар жолугушууларды өткөрөт. Андан сырткары, “Иннопром” эл аралык өнөр жай көргөзмөсүнө барат. Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA