Бишкектин айрым райондорунда жылуулук берүү убактылуу токтотулат
Бишкекте 4-ноябрь саат 20:00дөн 6-ноябрь саат 16:00гө чейин Учкун кичи району, Казан Булак көчөсү 10, Үч тулга көчөсү 15 даректери боюнча жылуулук тармактарын оңдоо иштерине байланыштуу жылуулук берүү убактылуу токтотулат. Бул тууралуу Бишкек мэриясынын маалымат кызматынан билдиришти.
Мындан тышкары, 4-ноябрь саат 13:00дөн 9-ноябрь саат 16:00гө чейин А.Сүйүмбаев көчөсү 2, Т. Герцен көчөсү 1 жана 6 даректери, ошондой эле 4-ноябрдан 6-ноябрга чейин Чүй проспектиси 115, 117, 119 даректери боюнча жылуулук токтотулат.
Муниципалдык “Бишкекжылуулуктармагы” ишканасы жылуулук берүү учурунда техникалык мүчүлүштүктөр болушу мүмкүн экенин, бардык маселелер дароо чечилип, адистер тарабынан кыска мөөнөттө оңдолорун билдирет. "Шаар тургундарын убактылуу ыңгайсыздык үчүн түшүнүү менен мамиле кылууга чакырабыз",- деп айтылат маалыматта.
