"Жаннат Резорттун" жанындагы уруксатсыз курулуш буздурулду
Мамлекеттик архитектура-курулуш контролдоо департаментинин Чүй регионалдык башкармалыгы тарабынан курулуш объектилеринин мыйзамдуулугун жана шаар куруу талаптарынын сакталышын камсыздоо боюнча көзөмөл иштери жүргүзүлүүдө. Бул тууралуу Курулуш министрлигинин маалымат кызматынан билдиришти.
Кезектеги текшерүү Чүй облустук прокуратурасынын катынын негизинде "Жаннат Резорт" мейманканасынын жанында курулган жеңил конструкциядагы объектке карата жүргүзүлдү. Текшерүүнүн жүрүшүндө Аламүдүн дарыясынын жээгинде жайгашкан бул жеңил конструкциядагы чатыр тиешелүү долбоордук жана уруксат берүүчү документтери жок курулгандыгы аныкталды.
Натыйжада, курулуш иштерин жүргүзгөн “МАБ-БУЛА” ЖЧКсына мыйзам бузууларды жоюу боюнча көрсөтмө берилди жана мыйзамсыз курулуш менчик ээлеринин тарабынан өз ыктыяры менен буздурулду.
