Казакстандык ата-энелер мектеп окуучуларынын телефон колдонгону үчүн айып пулга жыгылышат
Мындай билдирүүнү 31-телекананалдан кабарлады. Каналдын маалыматы боюнча, ата-энелер мектепте телефон колдонгону үчүн айып пулга жыгылышы күтүлөт. Мындай тартип балдардын сабак учурунда окуусуна толук көңүл буруусун камсыз кылуу үчүн иштелип чыккан. Адистердин айтымында, чалуулар жана билдирүүлөр көңүлдү алагды кылбаса, окуу көрсөткүчтөрү жакшырып, класстагы тартип күчөйт.
Мугалимдеринин айтымында, ата-энелерге алдын ала мындай маалымат кабарланган жана мектеп келишимине тиешелүү пункт киргизилген. Бардык телефондор өзүнчө шкафта сакталат жана кулпуланат. Ата-энелер да мындай ишчарага макулдугун билдиришкен.
Эрежеге ылайык, телефон колдонууга тыюу салууну биринчи жолу бузуу эскертүү менен чектелсе, кайталап бузуу 5 айлык эсепке чейин (19 000 теңгеден бир аз ашык) айып пулга алып келиши мүмкүн. Айып пулду мектептеги көйгөйдү чечүүгө ыйгарым укуктуу полиция кызматкери салат.
Буга чейин казакстандык ата-энелерге балдарынын сөгүнгөнү үчүн айып пул салынаары тууралуу жарыяланган.
