Кыргызстан Сирияга 150 тоннадан ашык гуманитардык жардам жөнөттү
Кыргызстан Сирияга 150 тоннадан ашык гуманитардык жардам жөнөттү. Бул тууралуу УКМК билдирет.
Маалыматка ылайык, гуманитардык жардамды жеткирүү Тышкы иштер министрлиги менен биргеликте жана Түркиянын тиешелүү органдарынын жардамы менен уюштурулду. Жардамга ун, күрүч, кумшекер, өсүмдүк майы жана башка азык-түлүк товарлары кирген.
Кыргызстан тарабынан аткарылган гуманитардык акция мамлекет башчысынын жана элдин тынчтыкты чыңдоого, коопсуздукту бекемдөөгө жана муктаж өлкөлөргө колдоо көрсөтүүгө болгон берилгендигин көргөздү. Сирия тараптан ыраазычылык билдирилип, бул колдоо "бир туугандык жардам" катары кабыл алынганы белгиленди.
Андан сырткары, тараптар эки өлкөнүн кызматташтык келечеги жана аймактык маселелер боюнча актуалдуу темаларды талкуулашты.
