Былтыркыга караганда быйыл иш орундарын издегендер да, сунуштагандар да көбөйдү
2025-жылдын III чейрегинде headhunter.kg платформасында 12 000ден ашык активдүү бош орундар жарыяланган, бул өткөн жылдын ушул мезгилине салыштырмалуу 7,1% га көптүк кылат. Аталган аянтчанын маалыматына караганда, жумушчу күчкө болгон талаптын өсүшү эмгек рыногуна оң таасирин тийгизет.
Көрсөтүлгөн мезгилдин аралыгында бош орундардын активдүү издегендердин эң көп үлүшү Бишкек шаарында жарыяланган жана жумуш орундарынын басымдуу бөлүгү сатуу жана кардарларды тейлөө тармагында сунушталган. Ошондой эле илим жана билим берүү тармагындагы бош орундардын санынын көбөйүшү байкалып, ал — 30,8%га өскөн.
Ал эми аталган платформада активдүү иш издегендердин саны 53 000ден ашып, өткөн жылга салыштырмалуу 17,3% га көбөйгөн жана алардын басымдуу бөлүгү - сатуу, маркетинг, жарнама, коомчулук менен байланыш, тейлөө жана үй кызматкерлеринин өкүлдөрү болушкан.
