Ноокат району дизайн-код боюнча иретке келтирилүүдө
Курулуш, архитектура жана турак-жай чарба министрлигине караштуу Шаар куруу жана архитектура департаментинин Ноокат райондук башкармалыгы райондук администрация менен биргеликте район борбору жана айрым аймактарда дизайн-коддун талаптарына ылайык иретке келтирүү иштерин жүргүзүүдө. Бул тууралуу аталган министрликтин маалымат кызматынан билдиришти.
Учурда коомдук имараттар, мекемелер жана соода жайларынын фасаддары жаңыртылып, көрнөк-жарнак такталары бирдиктүү үлгүдө орнотулууда. Дизайн-код райондун архитектуралык көрүнүшүн бирдиктүү стилистикада өнүктүрүүнү жана жарандар үчүн коопсуз, ыңгайлуу чөйрө түзүүнү камсыз кылат.
