Яндекс Goдо электромобилдүү унаалардын тарифи пайда болду

Бишкектеги Яндекс Goнун тиркемесинде эми “Электро” тарифи жеткиликтүү болуп калды. Буйрутма берүүдө ушул тариф тандалса, жогорку деңгээлдеги ыңгайлуу, жеңил жана үнсүз жүрүүчү, ошондой эле экологиялык жактан таза электромобилдүү унаалар келет.

Колдонуучуларга BYD, Weltmeister, Changan, FAW жана башка маркадагы заманбап жана кенен электромобилдүү унаалар жеткиликтүү болот. Азыр бул тарифте 2500дөн ашык электромобилдүү унаалар бар. Сервистик кызмат бул тарифти өнөктөштөр менен биргеликте өнүктүрүүнү жана көбөйтүүнү пландаштырууда.  “Электро” тарифи менен жүрүү, мисалы, 10-кичи райондон Вефа соода борборуна чейин 201 сом болот.

 Жол жүрүү коопсуздугу тууралуу

 Жол жүрүүдө заманбап коопсуздук технологиясы иштейт. Мисалы, ылдамдыкты жана айдоо стилин көзөмөлдөөчү автоматтык мониторинг колдонулат. Эгерде система ылдамдыктын жогорулаганын же кооптуу маневр болгонун байкаса, ал айдоочуга эскертет да, ошону менен кырсыкты алдын алууга жардам берет. Система ошондой эле, күтүүсүз токтоону көзөмөлдөп, кагылышуу болгонун аныктайт. Мындай учурларда операторлор кырдаалды тактоо үчүн жүргүнчү жана айдоочуга байланышка чыгат.

 Колдонуучулар үчүн тиркемеде “Коопсуздук” бөлүмү да жеткиликтүү. Ал аркылуу ыкчам жардам кызматтарына же колдоо кызматына кайрылууга, өз маршрутун жакындары менен бөлүшүүгө болот. Айдоочу менен жүргүнчүнүн бардык сапарындагы жашоосу жана ден соолугу 800 000 сомго чейин камсыздандырылат.

_____________

 * Сервис тарабынан “Электро” тарифин колдонуу менен эсептелген жол кире акысы, жолдогу тыгынды жана тиешелүү арзандатууларды эсептебегенде, 10-кичи райондон (Байтик Баатыр көч, 32) Вефа соода борборуна (Байтик Баатыр көч, 98) чейин 4 км жана 16 мүнөттө жетүү максималдуу болуп саналды, анда күтүү акысы жана башка акы төлөнүүчү опциялар эсептелген жок. Көрсөтүлгөн баанын өзгөрүшү сапарга буйрутма берүү убактысына көз кааранды болушу мүмкүн. Кененирээк маалымат taxi.yandex.com