Кыргызстандын 3 шаары конкурста жеңүүчү болду
Жума башында Мамлекеттик катчы Марат Иманкулов “Балдарга жана жаштарга ыңгайлуу шаар” конкурсунун жеңүүчүлөрүнө сертификаттарды тапшырганын Маданият, жаштар саясаты жана спорт министрлиги билдирди.
Министрлик билдиргендей, аталган конкурс эки жылда бир облустук жана райондук маанидеги шаар мэрияларынын ортосунда өткөрүлөт.
Бул жолу 1-орунду – Жалал-Абад облусунун Манас шаары утуп, Кыргызстандын жаштар шаары” титулу менен сыйланды. Ошондой эле шаар 3 млн сом акчалай сыйлык алды.
2-орунга – Нарын облусунун Нарын шаары татыктуу деп табылып, “Балдарга жана жаштарга ыңгайлуу шаар” титулу жана 2 млн сом менен сыйланды.
3-орунга – Жалал-Абад облусунун Кара-Көл шаары татыктуу болуп, ал дагы “Балдарга жана жаштарга ыңгайлуу шаар” титулу жана 1 млн сом менен сыйланды.
