Чүйдөгү көмүр кампаларга экологиялык көзөмөл жүргүзүлүүдө
Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын Чүй регионалдык башкармалыгы көмүр кампаларда түшүндүрүү жана көзөмөл иштерин жүргүзүүдө.
Министрликтин маалыматына ылайык, иш-чаранын алкагында Ысык-Ата жана Жайыл райондорундагы "Гефест" ЖЧКсы жана "Көмүр Магнат" ЖЧКсынын кампаларында Экологиялык мониторинг департаменти менен биргеликте көмүрдүн сапаты жана радиациялык фону текшерилди.
Бул иштер Министрлер Кабинетинин 2025-жылдын 6-октябрындагы №639 токтомунаткаруу максатында жүргүзүлүп, ага ылайык 0–13 мм фракциядагы чачылма көмүрдү ташууга, сатууга жана пайдаланууга тыюу салынат.
Чүй башкармалыгы экологиялык талаптардын сакталышын туруктуу көзөмөлдөп, ишкерлер менен түшүндүрүү иштерин улантууда. Бул чаралар абанын булгануусун азайтуу жана калктын экологиялык коопсуздугун камсыздоо максатын көздөйт.
