Ысык-Көлдө 150 орундуу мектеп салынып жатат
Ысык-Көл районуна караштуу Өрүктү айылында 150 орундуу жаңы мектептин курулушу кызуу жүрүп жатат. Долбоор республикалык бюджеттин эсебинен каржыланып, наркы 89 миллион сомду түзөт. Бул тууралуу Курулуш жана турак жай-коммуналдык чарба министрлигинен билдиришти.
Маалыматка караганда, курулуш иштери учурда 85%га жакын бүткөрүлдү. Башкы долбоорго ылайык, мектеп эки кабаттуу окуу корпусунан жана заманбап спорт залынан турат. Объекттин жалпы аянты 1280 чарчы метрди түзөт.
Белгилей кетсек, Өрүктү айылындагы эски мектеп имараты 1954-жылы курулуп, кийин 1985-жылы экинчи корпусу кошулган. Жаңы мектеп пайдаланууга берилгенден кийин айылдагы окуучулар заманбап шартта билим алууга мүмкүнчүлүк алышат.
