Жаратылыш министрлиги 2025-жылдагы ишмердүүлүгүнүн жыйынтыгын чыгарды
Жаратылыш ресурстары, экология жана техникалык көзөмөл министрлиги 2025-жылдагы ишмердүүлүгүнүн жыйынтыгын чыгарды. Бул тууралуу министрликтин маалымат кызматынан билдиришти.
Жыл ичинде 79 нормативдик укуктук акт иштелип чыгып, анын 50си кабыл алынды, 12си Президенттин Администрациясында, 15и макулдашуу стадиясында, 1и кайра иштелүүдө. Ошондой эле 1 жарлык, 7 мыйзам, 13 токтом жана 26 тескеме кабыл алынды.
Министрлик 17ден ашык өкмөттөр аралык комиссиянын ишин координациялап, 20дан ашык эл аралык келишимдерге кол койду. Алар Россия, Кытай, Корея, Түркия, Япония, Сауд Арабиясы жана башка мамлекеттер менен кызматташтыкты камтыйт.
Маанилүү документтердин арасында Италия, Кытай, Тажикстан, Беларусь жана Өзбекстан менен кол коюлган меморандумдар, ошондой эле KOICA уюмунун 10 млн долларлык гранты менен ишке ашуучу “Абанын сапатын жакшыртуу” долбоору бар.
