Бишкекте Шүкүров жана Медеров көчөлөрүн бириктирген көпүрө ачылды
Бүгүн, Бишкек шаарында ТЧЧК аркылуу өтүүчү Шүкүров (мурунку Кропоткин) жана Медеров көчөлөрүн бириктирген көпүрө пайдаланууга берилди. Үч айдын ичинде курулган объект шаар тургундары үчүн коопсуз жана ыңгайлуу жол кыймылын камсыздайт. Бул тууралуу шаардык мэриядан билдиришти.
Көпүрөнүн узундугу 17 метр, туурасы 9 метр, жол жүрүү бөлүгү эки тилкелүү, жөө жүргүнчүлөр үчүн эки тарапта тротуарлар жасалган. Түнкү жарык үчүн беш даана чырак мамысы орнотулду. Курулуш иштери 2025-жылдын июль айында башталган.
Ачылыш аземине Бишкек шаарынын мэри Айбек Джунушалиев жана жергиликтүү тургундар катышты. Мэр кийинки кадам катары Ауэзов көчөсүндөгү көпүрөнүн ачылышын белгиледи.
