Коом

Д.Орунбеков: Полемикага эмес, иштин жыйынтыгына көңүл буруңуздар

Ишкер Media

18 нояб. 2025 10:38

Өлкөдө социалдык жана инфраструктуралык долбоорлор ылдам темпте ишке ашып жаткан учурда, мамлекеттик кызматкерлер полемикага аралашпастан, өз милдеттерин так аткарууга көңүл бурушу керек. Бул тууралуу Президенттин администрациясынын маалыматтык саясат кызматынын жетекчиси Дайырбек Орунбеков социалдык тармактагы баракчасында билдирди.

Ал белгилегендей, мурдагыдай имараттардын ачылышын майрамга айландырууга мүмкүнчүлүк болбосо да, азыр бир күндө жүздөгөн социалдык объекттердин лентасы онлайн кесилип жатат. 2020-жылы бюджет 247,7 млрд сом болсо, быйыл ал триллиондон ашкан.

"Мындай темпти кармап, андан ары улантыш үчүн ар бир мамлекеттик кызматкер өзүнө жүктөлгөн милдетти так аткарып, тоскоолдуктарга алаксыбаш керек.

Кээ бир, мекен көзүнөн учкан бекерчи былжырбайлардын айткандарына теригип, аларга жооп бергенди токтоткула! Бул бардык мамлекеттик жана муниципалдык кызматкерлерге тиешелүү.

Алардын айтканын талдап, мурда кылган жана кылбаган иштерин эстеп, убактыңарды коротпой, мамлекет тарабынан алдыңарга коюлган тапшырмалар менен алектенгиле.

Андай полемикага аралашсаңар, бир тыйын пайда таппайсыңар. Силерге ишенип берген кызматыңардын убактысын текке кетирген болосуңар",— деди Дайырбек Орунбеков.

Ошондой эле ал кызматкерлерди өткөн-кеткендерге басым жасабай, алдыга умтулуп, иш менен далилдөөгө чакырды.

Мындан тышкары окуңуз

Баткенде япон технологиясы менен 10 продукция чыга баштады

Баткенде "Бир айыл -бир продукт" долбоорунун алкагында япон технологиясы менен дагы 10 продукция чыгарыла баштаганын Президенттин облустагы өкүлчүлүгү "Кабарга" билдирген. Аталган продукциялар улуттук экономикалык долбоордун алкагында бренд-комитеттин тандоосунан өткөн. Алар: * кызылча нектары; * өрүк гүлү чайы; * кургатылган өрүк данеги менен; * малина концентраты; * алма нектары; * жаңгак жана кургатылган

Аравандык ишкер 5 сотых жерден жылына 2-3 миң банка лимон ширесин өндүрүп жатат

Араван районунда лимонду кайра иштетүүчү фабрика ишке кирип, анда лимондун ширеси гана эмес, анын кабыгынан да заманбап жабдуулар менен варенье өндүрүлүп жатат. Бул технология фермерлердин арасында жайылып жатканын Суу ресурстары, айыл чарба жана кайра иштетүү өнөр жайы министрлигинин басма сөз кызматы билдирди. Райондо тропикалык өсүмдүктөрдү өстүргөн фермерлерди колдогон консультациялык борбор

К.Ташиев: "5 жылда өлкөгө 300 млрд сомдон ашык мүлк жана акча каражаты кайтарылды"

Соңку беш жылдын ичинде коррупциялык элементтерге каршы күрөшүүнүн жыйынтыгында мамлекетке 300 млрд сомдон ашык мүлк жана акча каражаты кайтарылганын УКМК төрагасы Камчыбек Ташиев "Регион ТВ" телеканалына берген маегинде билдирди. Анын айтымында, 30 миң гектардан ашык жер жана 1 миңге жакын ишкана мамлекеттин менчигине кайра кайтарылган. “Эмне үчүн Кыргызстанда

Мамлекеттик бажы кызматы кореянын KOICA жана CUPIA агенттиктери менен кызматташат

КРнын Мамлекеттик бажы кызматынын борбордук аппаратында МБКнын Төрагасы А.А. Салиевдин жетекчилиги астында KOICA жана CUPIA агенттигинин делегациясы менен бажы иши чөйрөсүндө актуалдуу маселелерди жана өнүктүрүү преспективаларын талкуулоо боюнча жумушчу жолугушуу болуп өттү. Бул тууралуу аталган кызматтын басма сөз кызматынан кабарлашты. Бул иш-чаранын максаты - Кыргыз бажысынын институционалдык дараметин модернизациялоо