ИИМ: Шайлоо учурунда мыйзам бузгандарга катуу чара көрүлөт

Ички иштер министрлиги 2025-жылдын 30-ноябрында өтө турган Жогорку Кеңештин депутаттарын мөөнөтүнөн мурда шайлоодо жарандарды, талапкерлерди, саясий партиялардын өкүлдөрүн жана шайлоо комиссияларынын мүчөлөрүн мыйзамды так сактоого чакырды.

Министрлик добуш сатып алуу жана башка мыйзам бузууларга каршы катуу чаралар көрүлөрүн, коомдук тартип жана коопсуздук камсыздаларын билдирди. Ар бир мыйзам бузуу фактысы боюнча ыкчам чара колдонулат.

ИИМ жарандардан шайлоодо атуулдук милдеттерин жоопкерчилик менен аткарууну жана шайлоонун адилет, ачык жана мыйзамдуу өтүшүнө салым кошууну суранат.