Мамлекеттик камсыздандыруу уюму 10 айда жарандарга 108,8 млн сом төлөдү
Мамлекеттик камсыздандыруу уюму бүгүнкү күнгө карата жалпы 108 миллион 816 миң сом өлчөмүндөгү төлөмдөрдү жарандарга көрсөткөн кызматтарынын алкагында берди.
Мамлекеттик камсыздандыруу уюмунун маалыматка караганда, төлөмдөрдүн негизги бөлүгүн социалдык жана экономикалык мааниси жогору болгон учурлар түзөт:
- ОСАГО боюнча – 618 жаранга 57 млн 222 миң сом төлөндү. Бул автоунааларды камсыздандыруунун калк үчүн маанисин жана кырсык учурунда реалдуу колдоо көрсөтөөрүн көрсөтөт.
- Турак жайларды милдеттүү камсыздандыруу – 223 жаранга 27 млн 908 миң сом берилди. Жаратылыш кырсыктарынан жана өзгөчө кырдаалдардан жабыркаган үй-бүлөлөргө жардам көрсөтүү уюмдун негизги багыттарынын бири бойдон калууда.
- Өрт кырсыктарына байланыштуу – 132 жаранга 24 млн 927 миң сом кенемте төлөндү.
Бул негизги учурлардан тышкары, башка камсыздандыруу түрлөрү боюнча да төлөмдөр жүргүзүлүп, жалпы сумма 108 млн 816 миң сомду түздү.
Бул кадам жарандардын турмуштук туруктуулугун камсыздоодо жана кырсыктардан кийинки жардам көрсөтүүдө маанилүү роль ойнойт.
