Бишкекте жол чырактар реалдуу убакытта көзөмөлдөнүүдө
Санариптик технологиялар борборунун директорунун орун басары Чингиз Джумагулов борбор калаадагы светофорлордун инфраструктурасы жана транспорттук тыгындарды жөнгө салуу тууралуу айтып берди. Бул тууралуу мэриянын басма сөз кызматынан билдиришти.
Жол кыймылын башкаруунун заманбап системасын түзүү боюнча долбоорду киргизүү 2023-жылы башталган.
Долбоорду ишке ашыруунун алкагында Бишкек шаары боюнча МККБ кызматкерлери окутуудан өтүштү жана бүгүнкү күндө "АСУДД" (жол кыймылын башкаруунун автоматташтырылган системасы) системасы менен кызматташтыкта транспорттук агымдардын мониторингин жана жөнгө салууну реалдуу убакыт режиминде ишке ашырып жатышат.
Светофордук объекттердин туруктуу жана коопсуз иштешин камсыз кылуу үчүн МККБ инспекторлору жол кыймылын уюштурууну башкарууга жана мониторинг жүргүзүүгө тартылган.
Ошол эле учурда, электр энергиясы өчүрүлгөн учурда техникалык тейлөө, мүчүлүштүктөрдү оңдоо жана эксплуатациялоо маселелери светофордун бүтүндөй инфраструктурасынын иштеши үчүн жооптуу адистештирилген компаниянын милдети болуп саналат.
