Коом

К.Ташиев Улуттук эне жана баланы коргоо борборуна 10 автоунаа тапшырды

Ишкер Media

21 нояб. 2025 13:10

Бүгүн УКМК төрагасы Камчыбек Ташиев Улуттук эне жана баланы коргоо борборуна (УЭжБКБ) 10 кызматтык автоунаа тапшырды. Бул транспорт борбордун нөөмөттүк бригадаларынын оор абалдагы аялдар жана балдарга өз убагында жардам көрсөтүүсүн камсыз кылып, оперативдүүлүктү жана коопсуздукту жогорулатууга багытталган. Бул тууралуу Саламаттык сактоо министрлигинин маалымат кызматынан билдиришти.

Иш-чарада Ташиев борбордун 4 400 м² аянттагы толук жаңыланган аймагын да көрүп чыкты. Бул аймакта жаңы асфальт төшөлүп, жарыктандыруу орнотулуп, жашылдандыруу иштери жүргүзүлгөн. Жаңыланган аймак кызматкерлер жана бейтаптар үчүн коопсуз жана ыңгайлуу шарттарды камсыздайт.

Буга чейин Ташиевдин тапшырмасы менен борборго Тыналиев көчөсү аркылуу жаңы жол курулуп, жеткиликтүүлүк жакшыртылган. Ошондой эле борборго эндоскопиялык УЗИ аппараты, видеогастроскоп, видеобронхоскоп, видеоколоноскоп жана башка заманбап медициналык жабдуулар берилген.

Ташиев кызматкерлерди жаңы автоунаалар менен куттуктап, дарыгерлердин жана бейтаптардын коопсуздугун камсыз кылуунун маанисин белгиледи жана ак халатчандардын жумушуна ийгилик каалады.

Белгиленгендей, Улуттук эне жана баланы коргоо борбору өлкөдөгү үчүнчү деңгээлдеги алдыңкы медициналык мекемелердин бири болуп саналат. Жыл сайын борбордо 30 миңдей бала стационардык, 150 миңге жакын бала амбулатордук жардам алат, ал эми перинаталдык борбордо жылына 6 миңдей наристе жарыкка келет. Новатордук диагностика жана дарылоо ыкмалары борбордо туруктуу колдонулуп келет.

Мындан тышкары окуңуз

Бишкекте жана Чүйдө катуу шамал болушу мүмкүн

Өзгөчө кырдаалдар министрлиги шашылыш билдирүү таратты. Маалыматка ылайык, жакынкы бир саат аралыгында жана кечинде Бишкекте жана Чүй өрөөнүндө күн күркүрөп, батыштан соккон шамалдын ылдамдыгы секундасына 15-20 метрге чейин жетет. Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads,

Адылбек Касымалиев иш сапары менен Орусияга барат

Министрлер Кабинетинин Төрагасы Адылбек Касымалиев 17-19-июнда Россия Федерациясынын Санкт-Петербург шаарына жумуш сапары менен барат. Президенттик админстрациянын маалыматтык саясат бөлүмүнөн билдиришкендей, иш сапардын алкагында МинКаб башчысы маданий байланыштарды чыңдоо жана чыгармачыл демилгелерди өнүктүрүү боюнча Эл аралык конференцияга катышат. Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен

Адылбек Касымалиев Ташкент инвестициялык форумуна катышты

Министрлер Кабинетинин Төрагасы Адылбек Касымалиев Өзбекстанга болгон жумуш сапарынын алкагында Ташкент инвестициялык V эл аралык форумуна катышып, пленардык жыйынында сөз сүйлөдү. Министрлер Кабинетинин Төрагасы Адылбек Касымалиев Ташкент дагы бир жолу аймактын келечеги үчүн конкреттүү чечимдерди талкуулоочу аянтчага айланганын белгиледи. “Кыргызстан тоо-кен, энергетика, транспорт жана логистика сыяктуу артыкчылыктуу багыттар боюнча

17-20-июнда Бишкектин негизги көчөлөрү убактылуу жабылат

Бишкекте 17-20-июнь күндөрү Фучик, Чүй, Манас, Абдрахманов, Ахунбаев жана Жибек Жолу проспектилеринде маал-маалы менен унаа кыймылына чектөөлөр киргизилет. Милициянын кайгуул кызмат башкармалыгынын маалыматына караганда,борбор калаада КМШ мамлекеттеринин ИИМ жетекчилеринин VI кеңешмеси өтөт. Мындан улам аталган көчөлөрдө коомдук тартип жана жол кыймылынын коопсуздугу тынымсыз көзөмөлгө алынып турат.