УКМК кызматкеринин атын жамынып, элдин акчасын алдап алган жаран кармалды
УКМКнын кызматкери катары өзүн тааныштырып, Чүй облусунда жарандардын акча каражаттарын алдамчылык жолу менен ээлеп алган Н.Х.А. аттуу жаран кармалды.
УКМУнын басма сз кызматынан кабарлагандай, Н.Х.А. УКМКнын кызматкери катары өзүн тааныштырып, жарандарга белгилүү бир акчалай сыйлык үчүн, ИИМ өндүрүшүндө турган кылмыш ишин козгоону токтотуу боюнча маселени чечүүгө жардам берүүнү убада кылган. Жыйынтыгында жарандын 3 000 000 сом өлчөмүндө акча каражатын ээлеп алган.
Кийинчерээк, берген убадасын аткарбагандыгы үчүн жаранга карызын кайтаруунун ордуна, шектүү жабырлануучуларга кысым көрсөтүп, “Кызмат адамына пара берүү боюнча” кылмыш ишин козгоо менен коркуткан.
КР УКМК Н.Х.А.нын алдамчылык аракеттеринен жапа чегиши мүмкүн болгон жарандарды: 0312-66-04-75, 0312-62-65-04 телефондоруна кайрылууну суранат.
КР УКМК коомчулуктан - финансылык жана башка материалдык жардам көрсөтүү максатында жарандардын каражатын ээлеп алган мындай көз боемочуларга жана кылмыштуу аракеттерге ишенбөөгө чакырат.
